Drejtoria për Hetimin e Krimeve Ekonomike dhe Korrupsionit në Policinë e Kosovës në koordinim me Prokurorin e Shtetit, sot kanë zhvilluar një aksion në Gjakovë.
Sipas njoftimit nga Policia e Kosovës, gjatë këtij aksioni janë arrestuar tre inspektorë në ATK-në e Gjakovës, të dyshuar për ‘marrje ryshfeti’.
Kjo pas sigurimit të dëshmive se të njëjtit me qëllim të përfitimit pasuror për vete apo personin tjetër, dyshohet se kanë pranuar ryshfet në shuma të ndryshme parash në disa raste të ndara, si dhe të mira materiale të ndryshme pa pagesë nga pronaret e bizneseve të ndryshëm në komunën e Gjakovës.
Policia po ashtu ka kontrolluar objektet e banimit të tre të dyshuarve, me ç’rast ka sekuestruar para, dokumente e telefona mobilë.
“Gjatë kontrollit janë sekuestruara dëshmitë si në vijim:
– para të gatshme 11600 Euro,
– katër (4) telefona mobil
– një ( 1 ) IPOD
– një (1) pasaportë e Republikës se Shqipërisë
– një (1) letërnjoftim i Republikës se Shqipërisë”, thuhet në njoftim.
Tre të dyshuarit janë intervistuar në prezencë të avokatit mbrojtës dhe pas intervistës me aktvendim të prokurorit janë ndaluar për 48 orë.
Komunikata e plotë:
Policia e Kosovës arreston tre të dyshuar nën dyshimet për marrje ryshfeti
Prishtinë, më 20 janar 2025
Policia e Kosovës, respektivisht Drejtoria për Hetimin e Krimeve Ekonomike dhe Korrupsionit (DHKEK), Njësia Rajonale në Gjakovë, ka pranuar informatë se tre të dyshuar në periudha të ndryshme kohore dhe në lokacione të ndryshme në Gjakovë, kishin kërkuar dhe pranuar ryshfet nga pronarë të ndryshëm të bizneseve, ku me këto veprime dyshohet se kanë kryer veprën penale ”Marrja e Ryshfetit’’ neni 421 i KPRK-së.
Policia e Kosovës në koordinim me Prokurorinë Themelore në Gjakovë, ka ndërmarr veprime hetimore, duke zbatuar edhe masat të avancuara hetimore, gjatë të cilave janë siguruar dëshmi se tre të dyshuarit meshkuj kosovarë, me qëllim të përfitimit pasuror për vete apo personin tjetër, dyshohet se kanë pranuar ryshfet në shuma të ndryshme parash në disa raste të ndara, si dhe të mira materiale të ndryshme pa pagesë nga pronaret e bizneseve të ndryshëm në komunën e Gjakovës.
Sot, më datë 20.01.2025, me Urdhër nga Gjykata Themelore në Gjakovë në koordinim me prokurorin përgjegjës të rastit janë kontrolluar tri objektet e banimit të personave të dyshuar (dy në Gjakovë dhe një në Pejë) ku janë siguruar prova materiale që ndërlidhen me rastin.
Gjatë kontrollit janë sekuestruara dëshmitë si në vijim:
– para të gatshme 11600 Euro,
– katër (4) telefona mobil
– një ( 1 ) IPOD
– një (1) pasaportë e Republikës se Shqipërisë
– një (1) letërnjoftim i Republikës se Shqipërisë
Tre të dyshuarit janë intervistuar në prezencë të avokatit mbrojtës dhe pas intervistës me aktvendim të prokurorit janë ndaluar për 48 orë.
