Në kushtet kur vajza e tij e mitur, vetëm 14 vjeçe, përndiqej dhe rrihej nga një 18-vjeçar dhe kur Policia nuk ishte në gjendje ta ndalte, një baba në Elbasan, A.K, e ka marrë vetë situatën në dorë.
Së bashku me dy persona të tjerë, A.K e ka rrëmbyer 18-vjeçarin L.H dhe e ka rrahur. Më pas e ka mbajtur në makinë si kërcënim për disa orë
Policia e Elbasanit, pas kësaj ngjarjeje, i ka arrestuar të dy: 18-vjeçarin L.H që kërcënonte vajzën e mitur dhe babanë e kësaj të fundit, që u përpoq ta zgjidhte vetë situatën.
Policia ndërkohë ka shpallur në kërkim dhe dy persona, që e ndihmuan babanë e vajzës së mitur të rrembete, rrihte dhe kërcënonte 18-vjeçarin:G.Sh, 46 vjeç dhe O.K, 20 vjeç, të dy banues në Elbasan.
Dosja e tyre i kaloi Prokurorisë së Rrethit Gjyqësor Elbasan, për veprime të mëtejshme
