Kanë kaluar më shumë se gjashtë muaj prej kur qytetarët e vendit tonë, ashtu si edhe në gjithë botën po ballafaqohen me pandeminë COVID-19.
Veç institucioneve shëndetësore, ky virus, për të cilin vazhdojnë kërkimet nga shkenca, ka rënduar në masë të madhe edhe aspektin ekonomik, veçmas sektorin privat.
Ende s’ka të dhëna se sa qytetarë kanë mbetur të papunë, ndërsa të tjerët po vazhdojnë punën duke zbatuar rregullat e vëna nga Qeveria, të cilat janë kthyer në obligative, pas miratimit të Ligjit anti-Covid.
Kështu thotë për Indeksonline, Kryeinspektori i Inspekoratit të Punës, Ekrem Kastrati.
Në këtë kohë pandemie sigurisht po punëtorët po punojnë në kushte më të rrezikshme me gjithë që po i respektojnë në masën më të madhe rregullat dhe këshillat e IKSHP si në mbajtjen e maskave, dezinfektimin e lokaleve, dezinfektimin e duarve si dhe mbajtjes së distancës sociale të paktën prej 2m njëri prej tjetrit.
Në masën ma të madhe zbatohen masat anti – Covid-19. Ne, Inspektorati i punës rregullisht kemi punuar në bashkëpunim me inspektoratin sanitar, inspektorët e tregut dhe Policinë e Kosovës në mbikëqyrjen e zbatimit të vendimeve të Qeverisë dhe në mbikëqyrjen e zbatimit të masave të përcaktuara me Ligjin Anti –Covid -19 nga ana e punëdhënësve dhe punëtorëve”.
Edhe në gjysmën e parë të këtij viti, pati raste të aksidenteve në fund, e si pasojë tre punëtorë ende janë në gjendje të rëndë shëndetësore. Për të cilat Kastrati thotë se të njëjtat raste janë në procedurë.
“Gjatë ditëve të fundit kanë ndodh 3 raste të aksidenteve në vend të punës me ç’rast kanë pësuar lëndime të rënda tre punëtor. Një rast ka ndodh në Prishtinë, një në Gjakovë dhe një në Fushë – Kosovë. Të tre rastet janë në procedurë duke u trajtuar nga Inspektorati i Punës. Gjendja shëndetësore e tyre edhe më tutje është e rëndë”.
Ndryshe, në gjashtë mujorin e parë të vitit të kaluar në vendin e punës vdiqën 6 punëtorë, ndërsa në të njëjtën periudhë kohore, këtë vit vdiqën 5.
