Mëngjesin e sotëm në magjistralen Prishtinë-Ferizaj kanë ndodhur pesë aksidente trafiku në të cilat janë lënduar 12 persona.
Zëdhënësja e Policisë për Rajonin e Prishtinës, Flora Ahmeti, ka konfirmuar për klankosova.tv se njëri ka këto aksidente ka qenë zinxhiror, që ka ndodhur në Veternik ku të përfshira kanë qenë katër vetura.
“Me datën 05.08.2020 rreth orës 09:40 në rrugën Ferizaj – Prishtinë, kanë ndodhur pesë aksidente trafiku me lëndime trupore . Në këto aksidente kanë qenë të përfshira 15 automjete. Bazuar në të dhënat fillestare ndihmë mjekësore deri tani kanë kërkuar 12 persona. Me rastet po merren zyrtarët e njësitit të trafikut”, është shprehur ajo.
