Trajneri i Bayern Munchenit, Hansi Flick, ka vendosur që të mos e blejë përfundimisht kartonin e Ivan Perisiçit.
Kroati u huazua nga Interi te “bavarezët” për 5 milionë euro me opsion për ta blerë përfundimisht për 20 milionë euro të tjera. Ky opsion nuk është përdorur nga Bayerni, pasi ekipi gjerman ka kërkuar një ulje të çmimit, por zikaltrit nuk kanë pranuar.
“Ne kemi vendosur të mos vazhdojmë me Odriozolën, Coutinhon dhe Perisiçin. Për sa kohë që Alaba dhe Thiago të jenë këtu, do t’i konsideroj në dispozicionin tim”, ka thënë Flick për “Abdenzeitung”. Perisiç bëri 35 paraqitje me Bajernin, ku fitoi kampionatin Kupën e Gjermanisë dhe Ligën e Kampionëve.
