Coronavirusi ka marrë jetën e 42 personave të cilët u prekën nga virusi në fjalë për pesë ditët e javës së tretë të muajit mars në Kosovë.
E hëna është shënuar si dita me më së shumti vdekje nga Covid-19 (13), ku njëri nga të vdekurit ishte 45-vjeçar. Kështu u bë e ditur nga raporti ditor i IKSHPK-së lidhur me rastet e virusit korona.
“Brenda 24 orëve janë raportuar 13 raste të vdekjes me SARS CoV-2 pozitiv. Rastet e vdekjes janë nga komunat: Vushtrri 3 raste (75, 79, 89 vjeç), Gjilan 2 raste (75, 78 vjeç), Kamenicë 2 raste (76, 73 vjeç), Prizren 2 raste (59, 74 vjeç), Fushë-Kosovë 1 rast (53 vjeç), Istog 1 rast (45 vjeç), Prishtinë 1 rast (74 vjeç) dhe Skenderaj 1 rast (67 vjeç)”, u tha në raportin e së hënës.
Ndërkaq, vetëm sot vdiqën 8 persona si pasojë e humbjes së betejës me coronavirusin.
“Brenda 24 orëve janë raportuar 8 raste të vdekjes me SARS CoV-2 pozitiv. Rastet e vdekjes janë nga komunat: Prishtinë 2 raste (64, 77 vjeç), Fushë-Kosovë 1 rast (77 vjeç), Gjakovë 1 rast (64 vjeç), Obiliq 1 rast (84 vjeç), Rahovec 1 rast (72 vjeç), Shtime 1 rast (68 vjeç), Viti 1 rast (69 vjeç)”, u tha në raportin e sotëm.
Që prej fillimit të pandemisë e deri më tani, kanë vdekur 1.774 persona prej Covid-19.
Numri total i rasteve aktive është 11.812
Dje në mbledhjen e Komitetit për COVID-19 nuk është marrë vendim as për masa të reja derisa u ngritën shqetësime për numrin në rritje të pacientëve me COVID-19.
Drejtori i Shërbimit Spitalor Klinik Universitar (SHSKUK) Valbon Krasniqi, ka paralajmëruar të premten se gjatë muajit mars mund të tejkalohen të gjitha kapacitetet spitalore, për shkak të rritjes së numrit të rasteve me koronavirus në javët e fundit.
Gjatë takimit të Komitetit për menaxhim të pandemisë së koronavirusit, Krasniqi ka thënë se vetëm gjatë tre javëve të fundit, ka pasur rritje prej 66 për qind të pacientëve që janë hospitalizuar. Ai ka njoftuar se aktualisht janë 798 pacientë të shtrirë në klinikat rajonale dhe në ato të Qendrës Klinike Universitare të Kosovës.
“Nëse vazhdon ky trend i rritjes e të hospitalizuarve, mbase brenda
