Kryeministri i Kosovës, Albin Kurti, sot shkoi në Krushë të Madhe për të shënuar ditëlindjen e veprimtarit Ukshin Hoti.
Ai tha se java e Lëvizjes Vetëvendosjes, që këtë vit shënoi 16 vjetorin e saj, nisi më 10 qershor me shënimin e përvjetorit të Lidhjes së Prizrenit dhe përmbyllet sot me 17 qershor me shënimin e ditëlindjes së Ukshin Hotit, njofton Klan Kosova.
“Me aktivistë e banorë të Krushës së Madhe, në Shtëpinë Muze, bashkë me Avni Deharin vendosëm dy palë rroba të Bacës Ukë: xhemperin që e ka preferuar më së shumti dhe një kostum vere të cilin e veshi kur doli nga burgu i parë. Ai kostum shihet edhe në fotografinë nga një koncert i Shkurte Fejzës në Kërçovë”.
“Librat e Profesor Hotit, jeta e tij vepër dhe rikthimi te kjo shtëpi na mbajnë fort në rrugë të drejtë dhe përplot me energji për ecjen përpara”.
