Mblidhet Nisma për të diskutuar për zgjedhjet, AKR synon koalicion parazgjedhor.
Dita e parë e kësaj jave ishte dite pushimi për institucionet shtetërore.
Por, e njëjta nuk vlejti edhe për Nismën Socialdemokrate e cila u mblodh në selinë e saj në qendër të Prishtinës, paraditen e së hënës.
Aty për orë të tëra, qëndroi edhe kreu i parties, Fatmir Limaj.
E gjithë kjo vie pas vendimit të Kushteuteses që çon vendin në zgjedhje të reja.
Ani pse nuk ishte i pranishëm në këtë mbledhje, Zafir Berisha nga NISMA ka treguar, qëndrimin e partisë për zgjedhjet e reja.
Si duket për të mos pasur probleme për të kaluar edhe pragun zgjedhor, Nisma i ishte ofruar PDK për koalicion parazgjedhor.
Por këta të fundit, nuk po shprehin gatishmëri për një koalicion me këtë parti.
Zëdhënësi i PDK-së, Avni Bytyçi tha se as që janë marrë me këtë çështje. Ai tha se në këtë fazë po merren kryesisht me listën e kandidatëve për deputetë dhe platformën.
“PDK as që është marrë me këtë çështje. Fokusi i PDK-së tani në këtë fazë është te kandidati për kryeministër, prof. Enver Hoxhaj, lista e kandidatëve dhe platforma me të cilën do të garojmë”, tha Bytyçi, shkruan TelegramiSot.
Rezultatet e zgjedhjeve të vitit 2019, kanë qenë me rezultate dëshpëruese edhe për AKR-në, që ishte në koalcion me Nismën.
Por pavarësisht të gjithave, në zgjedhjet e reja që pritet të mbahen, AKR-ja synon përsëri një koalicion parazgjedhor.
E tashmë për këtë kanë filluar bisedimet.
Por këtë herë me një parti të madhe.
Matoshi ka thënë se nuk kanë nisur bisedime me Nisman, ani pse ishin së bashku zgjedhjet e fundit.
Data për zgjedhjet e reja pritet të caktohet nga U.D e postit të presidentes, Vjosa Osmani e cila po pret publikimin e vendimin të plotë të Gjykatës Kushtetuese.
