Partitë opozitare kanë adresuar kritika ndaj Qeverisë Kurti lidhur me dialogun me Serbinë.
Abelard Tahiri, shef i Grupit Parlamentar të PDK-së ka thënë se dialogu me Serbinë i udhëhequr nga kryeministri Albin Kurti, është në gjendje amullie, sikur edhe fushat tjera.
Ai thotë se qeveria aktuale nuk ka një agjendë për dialogun me Serbinë e cila mund të diskutohej mes mazhorancës dhe opozitës.
“Nuk duam ta shohim dialogun si kauzë politike që duam ta akuzojmë njëra-tjetrën, por përtej angazhimit tonë politik, por këte po ta pamundëson Qeveria Kurti me qasjen e ti. Ka një lloj amullie, si edhe në fushat e tjera në kuadër të 100-ditëshit. Nëse nuk është i përgatitur për ekonomi, e çështje të tjera, duhet të jetë i përgatitur për dialog sepse ka pasur akuza që lidhen me Asociaiconin. Nuk kemi edhe kujt me i ndihmu dhe bashku, nuk ka një agjendë e cila mund të diskutohej mes partive në pushtet dhe atyre opozitare, një qasje e gabuar, të pikënisjes dhe vendosjes tone”, ka thënë Tahiri në disktuimin me titull “Kapitull i ri i dialogut Kosovë-Serbi?” të organizuar nga Instituti Demokratik i Kosovës, shkruan Reporteri.net.
Ai më tej tha se nuk ka një qëndrim nga Qeveria Kurti për marrëveshjen me SHBA, duke thënë se qëndrimi i kryeministrit është shumë i rëndësishëm.
“Qeveria duhet ta qartësojë pozicionin e saj karshi kësaj marrëveshje”, tha Tahiri.
Kurse Driton Selmanaj deputet nga LDK ka thënë se ka një mospërgatitje për këtë temë, por jo pozicion të qartë të Republikës së Kosovës.
“Nuk di cilat janë parimet e qeverisë për dialogun, pozicioni i Kosovës për dialogun. Ka një farë hezitimi për të ftuar SHBA-të në këtë proces”, tha Selmanaj, shkruan Reporteri.net.
Ai më tej tha se çdo tendencë kundër marrëveshjes së Uashingtonit është kundër Kosovës.
“S’ka afate kohore, parime, kah po shkojmë, jemi në një situatë të vështirë”, ka deklaruar Selmanaj.
Besnik Tahiri, shef i Grupit Parlamentar të AAK-së ka thënë se qeveria po bën qasje ‘ad hock” me dialogun me Serbinë.
“Kurti nuk ka strategji, ka taktizim. Ke katastrof CEFTA-n me bërë SEFTA që është Mini-Shengen”, tha Tahiri.
Ndërsa Mimoza Kusari-Lila, kryetare në detyrë e Grupit Parlamentar të Lëvizjes Vetëvendosje preznatimin e katër pikave nga Kurti në takim me Vuçiqin e ka quajtur një hap avancues.
“Një hap avancues në raport me qëndrimet e deritanishme, për faktin se ka pasur propozime dhe elaborim të secilit prej tyre”, ka thënë Kusari-Lila.
