Udhëheqësi i al Qaeda-s në Jemen, Khalid Batarfi, është arrestuar në muajin tetor. Lajmi është bërë i ditur nga një raport zyrtar i Organizatës së Kombeve të Bashkuara (OKB).
Kjo është hera e parë që arrestimi i Batarfi-t konfirmohet zyrtarisht.
Në raport shkruhet se numri dy i al Qaeda-s, Saad Atel al Awlaqi, ka vdekur gjatë një operacioni në qytetin Ghayda-it.
Vlerësimi dhe raportimi i OKB-së, ka përmbledhur kërcënimet e grupit por nuk ka zbuluar asnjë detaj të operacionit që u zhvillua në tetor.
Grupi i inteligjencës SITE, i cili monitoron aktivitetin në internet të grupeve të armatosura, kishte publikuar lajmin që Batarfi ishte arrestuar nga forcat e sigurisë së Jemenit dhe më pas dorëzuar në Arabinë Saudite, por nuk ishte lajm zyrtar.
Batarfi u bë udhëheqësi i al Qaeda-s në Gadishullin Arabik (AQAP) në fillim të vitit 2020 pasi paraardhësi i tij u vra në një sulm ajror amerikan.
Pavarësisht nga raporti, AQAP nuk e ka pranuar arrestimin e Batarfi.
Al Qaeda në Jemen
AQAP është është njohur gjerësisht si një organizatë terroriste më e rrezikshme se ajo e al Qaeda-s së Osama bin Laden-it.
Ky organizim “u rrit” nga grupi origjinal i al Qaeda-s dhe mban një vështrim radikal, të bazuar kryesisht në ideologjinë ekstremiste të bin Laden-it.
AQAP funksionoi kryesisht si një organizatë terroriste por më vonë ajo i zgjeroi operacionet e saj, duke u përfshirë në përpjekje për të sunduar në territorin ku qeveria e Jemenit nuk kishte fuqi për të ruajtur sigurinë.
Qytetarët e Jemenit dhe mediat lokale nuk i referohet grupi kurrë si AQAP.
Përkundrazi ata e quajnë al Qaeda dhe shprehen se dallimet midis saj dhe organizimit origjinal janë të padukshme dhe të pa nevojshme.
Kush është Khalid Batarfi
Batarfi, i cili është në të 40-at e tij, vjen nga një familje jemenase por ka lindur në Riad, Arabia Saudite. Ai u trajnua me al Qaeda-n në Afganistan para 11 shtatorit, dhe më vonë u bashkua me degën e al Qaeda-s në Jemen.
Batarfi u bë një ideolog kryesor për grupin dhe, sipas OKB-së, ai ka ndihmuar në mbikëqyrjen e operacioneve të tij të jashtme përpara se të bëhej udhëheqës.
“Arresimi i Batarfi-t në vend që të sigurojë “martirizimin” si Osama bin Laden do të jetë një siklet i madh për al Qaeda-n”, shkruhet në raportin e SITE.
Në fjalimin e tij përurues si udhëheqës i AQAP-it marsin e kaluar, Batarfi deklaroi se “sipas metodologjisë sonë, martirizimi i udhëheqësve është prova e vërtetësisë dhe është një simbol i nderit”.
Nuk ka patur asnjë udhëheqës të al Qaeda-s që është kapur i gjallë, që kur Bin Laden themeloi grupin më shumë se 30 vjet më parë. Pavarësisht nga raporti, AQAP nuk e ka pranuar arrestimin e Batarfi.
