Për shkelje të politikës së kompanisë duke ardhur në zyrë të pavaksinuar kundër COVID-19, CNN pushoi nga puna tre punëtorë.
Sipas një letre nga CEO, Jeff Zucker, CNN ka një “politikë tolerance zero” për të gjithë punonjësit që nuk janë të vaksinuar dhe punojnë në ekip.
“Javën e kaluar, ne jemi informuar për tre punonjës që erdhën të pavaksinuar. Të tre u pushuan nga puna. Për të qenë të qartë, ne kemi një politikë të tolerancës zero për këtë çështje”, thuhet në deklaratë.
CEO gjithashtu bëri të ditur se CNN do të shtyjë kthimin e punëtorëve që është paraparë më 7 shtator, ndoshta deri në “mesin e Tetorit” për shkak të rritjes së të infektuarve, ku shumica e tyre janë me variantin Delta.
“Unë mendoj se është e drejtë të thuhet se ne të gjithë ndiejmë ankth, zhgënjim, konfuzion dhe pakënaqësi”, shkroi Zucker.
SHBA-ja dje regjistroi numrin më të madh të rasteve të reja në gjashtë muaj e fundit.
