Emilano Ndou është 25 vjeçari që mbeti i vrarë me kallashnikov në fshatin Bardhaj të Shkodrës pas konfliktit me bashkëfshatarin Mark Kodra, 47 vjeç. Pas konfliktit, 47-vjeçari ka qëlluar me armë Ndoun duke e lënë të vdekur.
Ndërsa janë zbardhur detaje të reja nga kjo vrasje.
Burime për Panorama.al thanë se autori i dyshuar i krimit, Mark Kodra, ka qëlluar viktimën me automatik kallashnikov, pasi pretendon se 25-vjeçari kishte kohë që e mundonte.
“Nuk e durova më. Ma kishte sjellë te hunda”, ka deklaruar autori në momentin e arrestimit nga policia e Shkodrës.
Mësohet se autori i dyshuar ka deklaruar se viktima para se ta vriste i ka kaluar me nje motor para shtëpisë, duke bërë shumë zhurmë.
Gjitashtu, tregohet nga burimet, se autori ka qëndruar në shtëpi pas vrasjes dhe pranë vetes, afër divanit mbante armë me të cilën kreu vrasjen, duke mos tentuar të fshihet.
Është bërë me dije se në momentin kur ka mbërritur policia, autori nuk e ka pranuar krimin, duke u shfaqur i qetë.
