Kryetari i Kuvendit të Serbisë, Ivica Daçiq ka folur pas deklaratës së kryeministrit të Shqipërisë, Edi Ramës, i cili tha se e ka parë hartën që parashikon ndryshimin e kufijve në Ballkan.
Daçiq ka deklaruar se “nuk e di se çka ka parë Rama, Shqipërinë e madhe apo Serbinë e Madhe”, shkruan Tanjug.
“Ne qëndrojmë për Marrëveshjen e Dejtonit, duke ruajtur integritetin e Bosnjës dhe Hercegovinës, barazinë e tre popujve dhe dy entiteteve dhe ne jemi kundër krijimit të ‘Shqipërisë së Madhe’. Ne jemi gjithashtu për ruajtjen e integritetit territorial të Serbisë, e cila nuk është ‘e thyer’ nga ndonjë akt ndërkombëtar”, tha Daçiç në një intervistë me Al Jazeera.
Ai gjithashtu komentoi mbi mundësinë e vazhdimit të dialogut midis Beogradit dhe Prishtinës, duke thënë se nuk është e qartë për të se si hapet hapësira për negociata nëse Prishtina refuzon Marrëveshjen e Brukselit.
