Policia e Kosovës ka bërë të ditur se dje në Junik një person ka raportuar se katër persona të armatosur me armë kanë dalë prej një veture me targa vendi dhe dy prej të të dyshuarve me armë kanë shtënë në drejtim të tij.
Ndërsa njëri i dyshuar me çekan e ka goditur viktimën disa herë. Viktima ka pësuar lëndime trupore në dorë, këmbë dhe shpinë.
Në vendin e ngjarjes njësitet policore gjatë ekzaminimit kanë gjetur 11 (njëmbëdhjetë) gëzhoja të armës (revole) kalibri 9 mm dhe 4 (katër) gëzhoja të armës AK-47.
Nuk dihet motivi i rastit, të dyshuarit për viktimën janë persona të panjohur. Viktima pas marrjes së ndihmës së parë është dërguar në spitalin rajonal në Pejë për trajtim të mëtejshëm.
