“Sot po shtohen xhipat e zi, që e kanë naftën e lirë, ashtu siç duhet ta kishin traktorët e bujqve, të cilët s’po kanë llogari të punojnë tokën. Me qeverisjen e Lëvizjes Vetëvendosje, nesër lirohet nafta për traktorët e bujqve ta punojnë tokën dhe hiqen xhipat e shtrenjtë, sepse popullit duhet t’i jepet llogari, politikanëve jo”, kishte thënë kryeministri i vendit Albin Kurti gjatë kohës sa ishte në opozitë.
Sipas raportit vjetor të Ministrisë së Financave, gjatë viteve të fundit janë shpenzuar miliona euro për karburant për veturat qeveritare, njofton Klankosova.tv.
Konkretisht:
• Gjatë vitit 2021: 7.6 milionë euro
• Gjatë vitit 2022: 11.3 milionë euro
• Gjatë vitit 2023: 10 milionë eur.
Përveç kësaj, qindra vetura zyrtare janë pajisur me targa civile, duke u përdorur edhe jashtë orarit të punës.
Ja disa nga institucionet dhe numri i veturave të pajisura me targa civile:
• Presidenca e Kosovës: 15 vetura
• Kuvendi i Kosovës: 11 vetura
• Zyra e Kryeministrit: 20 vetura
• Ministria e Brendshme: 25 vetura
• Inspektorati Policor: 31 vetura
• Ministria e Punëve të Jashtme: 5 vetura
• Ministria e Drejtësisë: 12 vetura
• Ministria e Financave: 2 vetura
