Katër raste të dhunës në familje janë raportuar nga Policia në raportin 24 orësh.
Në Drenas, një burrë i ka shkaktuar dhunë psikike dhe e ka fyer verbalisht një grua.
I dyshuari është dërguar në mbajtje.
“DHUNË NË FAMILJE- Gllogoc / 23.03.2025 – 13:00. Është raportuar se pas një mosmarrëveshje i dyshuari mashkull kosovar i ka shkaktuar dhunë psikike si dhe e ka fyer verbalisht viktimën femër kosovare. Palët janë intervistuar dhe me vendim të prokurorit i dyshuari është arrestuar dhe dërguar në mbajtje.”
Në Fushë Kosovë, një burrë e ka kanosur një grua.
“Fushë Kosovë / 23.03.2025 – 22:50. Eshtë raportuar se derisa ishin në një lokal, pas një mosmarrëveshje verbale është kanosur nga i dyshuari mashkull kosovar viktima femër kosovare. Palët janë intervistuar dhe me vendim të prokurorit janë liruar në procedurë të rregullt.”
Ndërsa në Pejë një shtetase e Shqipërisë ka raportuar se është sulmuar fizikisht nga një burrë.
“DHUNË NË FAMILJE- Pejë / 23.03.2025 – 16:45. Viktima femër shtetas e Shqipërisë ka raportuar se pas një mosmarrëveshje është sulmuar fizikisht nga i dyshuari mashkull kosovar. Palët janë intervistuar dhe me vendim të prokurorit, rasti vazhdon në procedurë të rregullt.”
Në Gjakovë është arrestuar një burrë pasi e ka sulmuar fizikisht një grua.
“DHUNË NË FAMILJE- Gjakovë / 23.03.2025 – 14:30. Është arrestuar i dyshuari mashkull kosovar pasi i njëjti kishte sulmuar fizikisht viktimën femër kosovare. Viktimës i është ofruar tretmani mjekësor. I dyshuari me vendim të prokurorit është dërguar në mbajtje.”
