Partia Demokratike e Kosovës, me sa duket është lodhur nga deputeti Nait Hasani që nganjëherë i del kundër me qëndrime partisë. Si duket për këtë, deputetit të tyre ata kanë vendosur t’ia nisin një karrierë të re duke e akomoduar në Shqipëri si ambasador. Hasani tashmë është duke kaluar nëpër procedura.
E intervistimin e tij e kërkoi Ministri i Jashtëm në detyrë Behgjet Pacolli nëpërmjet një letre që ia ka dërguar Komisionit për Punë të Jashtme.
Por, MPJ nuk e ka përmendur emrin e tij për shkak se Hasani duke se do të bëhet ambasador në Shqipëri për shkak të pazareve politike. Pikërisht në ditën kur Hasani u intervistua nga parlamentarët, MPJ u krenua për emërime të diplomatëve të karrierës duke bërë me dije se ka emëruar diplomatë a partiak në Turqi, Kanada, Britani të Madhe e vende tjera.
Si duket PDK duke e ditur që tani Nait Hasani do të duhej ose ta akomodonte në listën e saj për deputetë ka zgjedhur ta kryejë punën e dërgimit të tij në Shqipëri.
Express ka siguruar letrën që Behgjet Pacolli ia ka dërguar Vjosa Osmanit, kryetares së komisionit për Punë të Jashtme.
Dy ditë më parë, ministri i Punëve të Jashtme në detyrë, Behgjet Pacolli, përmes një letre dërguar për Vjosa Osmanin, si kryetare e komisionit për punë të jashtme, kërkoi nga ajo që fillonin procedurat që deputeti i PDK-së, Nait Hasani të emërohej në pozitën e Ambasadorit në Shqipëri.
Hasani ndërkaq, dy ditë më vonë, pra sot, u intervistua nga Komisioni për Punë të Jashtme, Diasporë dhe Investime Strategjike, në cilësinë e të propozuar për ambasadorë.
Këtë e ka bërë të ditur deputeti i Nismës Socialdemokrate, Zafir Berisha, i cili është edhe anëtar i këtij komisioni, duke publikuar një fotografi në Facebook, ku njoftonte për intervistimin e Hasanit. Deri sot ky proces shkoi krejt në heshtje.
Në letrën që Pacolli i ka dërguar Osmanit shkruhet se Hasani është kandidat që përcakton kriteret e kërkuara për ambasadorë.
Hasani njihet për qëndrimet e tij kundër, derisa, i njejtë jo rrallë herë nuk ka dhënë votën njejtë ashtu sic kërkonte shefi i tij në parti Kadri Veseli.
Hasani nëse konfirmohet vendin do t’ia zë Sylë Ukshini i cili ka mbetur diplomati kryesor në Shqipëria pasi Kosova s’ka ambasador në Shqipëri që prej se atje është tërhequr Sylejman Selimi
