Mustafa thotë se vijat e kuqe duhet të hiqen mes subjekteve politike në Kosovë, pasi që ai thotë se gjithsesi duhet që të krijohet një koalicion për të qeverisur.
Kryetari i LDK’së, Isa Mustafa, ka thënë në emisionin Pressing në T7 se janë të gatshëm të futen në zgjedhje dhe se nuk do të kenë më vija të kuqe për PDK’në. Ai ka thënë po ashtu se realiteti i ri i krijuar nuk është i njëjti më atë që ishte para zgjedhjeve të tetorit.
“Realiteti i ri na dikton që të bashkëpunojmë që të mos lejojmë një krizë institucionale në vend. E di që kemi marrë vendim në zgjedhjet e kaluara në këshillin e Përgjithshëm që të mos bëjmë koalicion me PDK, por tani duhet të mendojmë më mirë”
“PDK ka qenë e jo e drejtë në mënyrën se si nisi mocionin kundër nesh më 2017. Po ashtu ka qenë me shumë gabime në qeverisje. Por në të ardhmen ndoshta do të vëmë vija të kuqe për individë të caktuar që të mos futen në qeveri pasi që është shumë e vështirë të vëmë vija për një subjekt të tërë”, shtoi ai.
