Kjo është kirurgeja shqiptare, Marsela Ceno, nga Shqipëria, në Gjermani.
Në vitin 2010 përfundoi studimet në Fakultetin e Mjekësisë në Tiranë dhe ishte gati për të nisur specializimin.
“Në fillim vendosa ta provoj në Shqipëri, të kandidoja për specializim. Nuk funksionoi, ndaj ndava mendjen të shkoja në Gjermani. Ishim një grup prej 26 vetash që mbaruam studimet më 2010. Gjysma, pra 13, jemi në Gjermani. Por pikërisht mbyllja e derës në vendin e vet përkoi me thirrje nga ana e Gjermanisë për mjekë”, thotë Ceno.
Ceno tregon se punon si mjeke kirurge në Baden.
“Paralelisht me gjuhën konvertoi diplomën e mjekësisë. Në shkurt të këtij viti themeloi Shoqatën e Mjekëve Shqiptarë në Gjermani. Dhe aktualisht po punojnë për të ngritur degë në 16 lëndët e Gjermanisë. Po të organizohemi, rritim reputacionin tonë që në të ardhmen të kthejmë vëmendjen e gjermanëve drejt vendit tonë. Nuk mund të thotë se sa mjekë bëjnë pjesë në shoqatë, pasi janë në krijim e sipër.
Sipas Dhomës Federale të Mjekëve në Berlin, janë rreth 680 mjekë shqiptarë të Shqipërisë deri në dhjetor të 2018-ës. Po të shtojmë edhe ata që po procedojnë janë rreth 800 mjekë shqiptarë në Gjermani”, tregon ajo.
Krahas specializimit që zgjati 6 vjet, kreu edhe doktoraturë 3-vjeçare për një teknike të re kirurgjikale. 33-vjeçarja numëron rreth 850 operacione si gjatë specializimit edhe pas tij,.
“Unë nuk eca këtu, pasi nuk pata njohjet e duhura apo pagesën për të marrë vendin e specializimit. Në Shqipëri ka pak spitale që të japin mundësinë e specializimit, ndërsa në Gjermani e kanë të gjitha. Edhe ata mjekë nga brezi ynë që bënë specializimin në Shqipëri po vijnë në
Gjermani. Rruga e suksesit nuk ishte e shtruar me trëndafila. Në fillim haste paragjykimet e kolegëve gjermanë, por për pak kohë. Një kolege më tha se, ‘ju vini nga xhungla’. Një koleg thoshte se kur fluturonte mbi Shqipëri nuk kishte drita, gruaja e tij më pyeste, ‘a keni lavatriçe?”, thotë 33-vjeçarja.
Pagesa e një kirurgu është tek 700 mijë lekë të vjetra, ndërsa në Gjermani që në vitin e parë të specializimit personi merr pagesë prej 3,800 eurosh.
“Si mjek i specializuar paga pëson vazhdimisht rritje. Një mjeku si unë i shkon deri në 7,000 euro rroga. Nuk do bëja asgjë ndryshe. Ndoshta do të kisha marrë vendimin për të shkuar më shpejt në Gjermani e të mos humbisja 2 vjet duke pritur një mundësi nga sistemi shqiptar”.
