Ministri i Arsimit në detyrë dhe kandidati për deputet nga koalicioni AAK-PSD, Shyqiri Bytyqi ka vazhduar edhe sot takimin me qytetarët në Baicë të Drenasit në Odën e Miftar Kiqinës.
Bytyqi ka theksuar se njëri nga problemet që më së shumti po e preokopon Kosovën kohët e fundit është ikja masive e të rinjve nga vendi.
“Gjërat tjera qe i kemi analizuar mirë si koalicion dhe që i nevojiten këtij vendi janë humbja e shpresës nga të rinjtë të cilët janë zhgënjyer shumë dhe përditë po ikin nga vendi. Nuk mundemi më të sillemi sikur nuk po ndodh gjë në vendin tonë pasi është duke na u larguar pasuria më e madhe e jona”.
“Pasuria më e madhe e jona është rinia – nëse ne e humbim rininë më nuk kemi çka në këtë vend. Ne kemi pasë mundësi t’i ndalim në kohët më të rënda e sot në këto kushte në këto rrethana me na ik rinia nuk na falet edhe mendoj që ne duhet të marrim përgjegjeësi për ta ndalur këtë”.
Ai ka thënë se koalicioni AAK-PSD do të marrë përgjegjësinë për të mos lejuar largimin e të rinjve nga vendi duke e rritur rrogën minimale.
“Çka kena paraparë në programin tonë është që prej rrogës minimale që sot e marrin (një rrogë që as bukë nuk mund të hanë te shtëpia) e ky koalicion gjënë e parë që ka mi bo është me rrit rrogën minmale, mos me pasë pagë më pak se 250 euro. Po për me ardhë deri të paga njëherë duhet të kemi vende të punës, edhe ata që i kanë sot vendet e punës nuk i kanë të sigurta hiq, e ne po dojmë si koalicion me marrë përgjegjësi që ato vende të punës për të rinjtë të jenë të sigurta”.
“Si bëhen vendet e sigurta me shumë gjëra e para me ju dhonë mundësine me u punësu dhe punësimi vjen t’u pas mundësi edhe fabrika edhe kompani të mira të cilat i kemi të rregulluara në program”.
“E kemi një fond zhvillimor i cili planifikohet të bëhet i cili do të ndihmojë edhe të rinjtë që me marr vet iniciativë që me pas mundësi që vet me pas një bizens të vetin por edhe aty ku punësohen me pas një siguri që janë të punësuar”.
Ministri ka thënë se këto janë elementet që ne i kanë në program dhe planifikojnë t’i zbatojmë pasi e kemi ekipin më të mirin në krye me kryeministrin Ramush Haradinajn e ka një ekip që mund t’i realizojë.
