Profesori universitar, Milazim Krasniqi ka reaguar pas akuzave nga u.d së ministrit të Punëve të Brendshme, Xhelal Sveçla se ai qëndron prapa një organizimi që kërkon protesta për faljen e namazit në shesh.
Krasniqi ka thënë se deklarata e Sveçlës është gënjeshtër dhe e turpshme ngaqë vjen nga një zyrtarë i lartë i Qeveris, shkruan Reporteri.
Tutje Krasniqi ka thënë se ai vetëm ja shprehur qëndrimin e tij publik për hapjen e xhamive, duke respektuar rregullat kundër koronavirusit, siç ka bërë së fundmi Maqedonia e Veriut.
Krasniqi ka akuzuar edhe myftiun, Naim Tërnava se është bërë bashkë me Sveçlën në një fushatë kundër tij.
“Deklarata e Xhelal Sfeqles se gjoja unë qëndroj pas ndonjë thirreje për të falë namaz në shesh është qind për qind gënjeshtër. Është e pakuptueshme dhe e turpshme që të gënjejë në këtë mënyrë një zyrtar i lartë i qeverisë. Asnjë thirrje të tillë, asnjë organizim të tillë nuk kam ftuar, as nxitur asnjëherë. Unë kam shprehur qëndrim publik se duhet të hapen xhamitë, me kujdes e me zbatim të rregullave, sipas modelit të Maqedonisë së Veriut. Ndaj qëndrimit tim BIK ka reaguar me një deklaratë nervoze dhe poashtu të pakuptimtë.
Tash qenkan bërë bashkë myftiu Tërnava e Xhelal Sfeqla, në një fushatë e ndjekje të përbashkat e të pandershme. Nuk u bën nder kjo gjë, as njërit, as tjetrit. Edhe nuk mund të më frikësojnë.
Ministri Sgeqla dhe qeveria duhet të gjejnë zgjidhje për problemet e rënda ekonomike, shëndëtësore, sociale e gjithfarë që po e rrënojnë vendin e shoqërinë e të mos përhapin dezinformata e gënjeshtra të tilla si kjo e Xhelal Sfeqlës.
Thjesht, nuk qeveriset me gënjeshtra. Dështimet e qeverisjes së Kurtie Sfeqles nuk mund të mbulohen me fushata kundër njerëzve të ndershem. Përkundrazi ato dështime vetëm sa bëhen edhe më të tejdukshme”, ka shkruar ai.
