Një tjetër ngjarje e rëndë raportohet nga Durrësi, ku një 60-vjeçare është mbytur në det.
Policia njoftoi se të martën rreth orës 18:00, në lagjen nr.13, Plazh, në Durrës, shtetësja F.Zh., banuese në Durrës, dyshohet se është mbytur duke u larë në det, e për pasojë ka humbur jetën.
Grupi hetimor ndodhet në vendngjarje dhe po punon për zbardhjen e ngjarjes.
Ndërkohë në Durrës 60- vjeçarja është rasti i tretë në pesë ditët e fundit, pas dy të moshuarve nga Kosova në datat 3 dhe 6 korrik.
