Të gjithë pensionistët në Maqedoninë e Veriut prej nesër pritet të marrin pensione me 2500 denarë rritje. Me këtë rritje, rritja totale lineare arrin në 5.000 denarë, marrë parasysh edhe rritjen prej 2500 denarëve që u bë në tetor të vitit të kaluar.
Kryeministri Hristijan Mickoski njoftoi se Banka Botërore dhe Fondi Monetar Ndërkombëtar kanë kërkuar rritje të moshës për pensionim në Maqedoninë e Veriut, por, sipas tij, qeveria e ka kundërshtuar këtë kërkesë, duke lejuar punë deri në moshën 67 vjeçare vetëm për ata që dëshirojnë.
Sipas kreu të ekzekutivit, FMN-ja gjithashtu ka kërkuar rritjen e TVSH-së dhe vendosjen e një takse variabël, por qeveria e ka hedhur poshtë këtë, duke theksuar se do t’i përmbahej taksës së sheshtë.
