Pas Turqisë e Shqipërisë, zjarret kanë përfshirë edhe Kosovën. Një pjesë e malit të Rugovës, është përfshirë nga flakët që nga mbrëmja e së enjtes.
Zëdhënësi i Policisë, Fadil Gashi i ka thënë Gazetës Sinjali se në vendin e ngjarjes kanë dal Policia, FSK-ja, zjarrfikësit, si dhe KFOR-i.
“Gjatë gjithë ditës së djeshme në vendngjarje kanë qëndruar FSK-ja, Policia e Kosovës dhe zjarrfikësit. Policia hedhur topa uji për të shuar zjarrin, ndërsa edhe KFOR-i ka ardhur në ndihmë me helikopterë.
Kanë punuar deri në orët e vonshme të mbrëmjes diku deri ne orën 21:30 më pas e kanë ndërprerë mirëpo kanë arritur që të lokalizojnë zjarrin”, ka thënë ai.
Sot kanë dalë në vendin e ngjarjes prapë të gjitha njësitë relevante për të shuar zjarrin.
Rruga për në Shtupeq është e bllokuar për qytetarë dhe mund të kalojnë vetëm zyrtarët e institucioneve kompetente”, ka thënë Gashi.
Ai u ka bërë apel qytetarëve që dalin në bjeshkët e Pejës dhe Istogut që të kenë kujdes maksimal, meqenëse thotë se zjarret mund të ndizen shumë lehtë shkaku edhe i temperaturave të larta.
Janë duke avancuar shumë mirë duke marrë parasysh temperaturat e larta.
Unë iu kisha bë apel qytetarëve që dalin në bjeshkët e Pejës dhe Istogut, por jo vetëm në këto zona që të kenë kujdes maksimal, meqenëse sepse një duq i cigares në këto temperatura mund të pësojmë sikurse në Turqi”, ka shuar Gashi.
