Ish-kryeministri i Shqipërisë gjatë luftës në Kosovë, Pandeli Majko, ka përkujtuar përvjetorin e fillimit të bombardimeve të NATO-s kundër forcave serbe më 24 mars 1999.
Ai dje, në një postim në rrjetet sociale, Majko e përshkroi këtë ditë historike me një mesazh të shkurtër, por domethënës: “Don’t… again!” (Mos… kurrë më!).
Ai theksoi se kjo ishte dita kur NATO ndërhyri për të mbrojtur popullin shqiptar në Kosovë, duke ndalur spastrimin etnik dhe gjenocidin e kryer nga regjimi i Sllobodan Millosheviqit.
Dje, 25 vite pas këtij momenti vendimtar, ndërhyrja e NATO-s mbetet një nga ngjarjet më të rëndësishme në historinë e Kosovës dhe të gjithë rajonit.
