Naser Kelmendi është arrestuar sot në qytetin Loznica në Serbi njoftojnë mediat serbe.
Kelmendi është parë në një hotel në hyrje të Loznicës. Rreth orës 13:30 disa vetura të policisë janë dëgjuar duke shkuar në drejtim të hotelit ku ishte Kelmendi.
Policia ka arrestuar atë menjëherë, shkruar Novosti
Sipas informacioneve të kësaj medie serbe, ai është ndaluar si qytetar dhe gjatë arrestimit nuk i është gjetur asgjë që mund ta lidhë me ndonjë krim të kryer.
Ai është akoma në Sstacionin policor të Loznicës dhe nuk ka akoma informata zyrtare se përse është arrestuar.
Kelmendi, 55 vjeç, qytetar i Kosovës, sipas policisë së Bosnje Hercegovinës, dyshohet se ka udhëhequr një nga familjet më të forta kriminale shqiptare në Ballkan.
Ka kohë që ai është i dyshuar për drejtimin e një organizate të madhe që merret me trafikimin e heroinës, kokainës dhe anhidrit acetik, një lëndë e parë që përdoret në prodhimin e heroinës, dhe në Europë transportohet nëpërmjet Ballkanit.