Një elefant që jetonte prej më shumë se 30 vitesh në një rrethim të vogël në kopshtin zoologjik të Pakistanit është lejuar më në fund të rinisë jetën e tij i lirë.
Grupi i bamirësisë së kafshëve që ndihmoi në lirimin e Kaavan, thotë se liria e tij është diçka për të festuar nga aktivistët e të gjithë botës.
Kaavan kishte qenë në kopshtin zoologjik të kryeqytetit pakistanez Islamabad, prej rreth 35 vjetësh, tha Martin Bauer zëdhënësi i grupit të bamirësisë ‘Four Paws’, duke shtuar se krijesës mbipeshë i është dhënë leja e udhëtimit, me shumë gjasa drejt Kamboxhias, ku ai pritet të gjejë shoqëri dhe kushte më të mira, transmeton TCH njoftimin.
Në maj gjykata e Pakistanit urdhëroi kopshtin zoologjik të Marghazar të mbyllet për shkak të kushteve të rënda dhe neglizhenës ndaj kafshëve.
Shpëtimi i kafshës solli dhe vëmendjen e këngëtares amerikane Cher, e cila loboi për transferimin.
Bauer shtoi: “Kontrollet mjekësopre konfirmuan se Kaavan është mjaftueshëm i fuqishëm për të udhëtuar drejt rezervatit në Kamboxhia. Por rekuperimi i tij është një proces i gjatë pasi përvec plagëve fizike janë dhe ato psikologjike siç është vetmia dhe më pas humbja e partneres.”
