Limaj thotë se kauza “Me Çlirimtarët” po jehon kudo në Kosovë

Ai mbrëmë ka qëndruar në fshatrat Drenoc dhe Lladroc, ku nga aty dha mesazhin se, kauza jonë “Me Çlirimtarët” për mbrojtjen e vlerave kombëtare, po jehon fuqishëm në Llapushë dhe kudo nëpër Kosovë.

“Pritja madhështore që ju bë mbrëmë çlirimtarëve të 121-it në Drenoc e Lladroc të Malishevës, është sinjal i qartë se fryma jonë kombëtare do të triumfojë fuqishëm në zgjedhjet e 14 shkurtit”, ka thënë Limaj.

Në fund Limaj u ka shprehur mirënjohje dhe falënderim bashkëluftëtarëve dhe mbështetësve të tij në Drenoc e Lladroc, që janë rreshtuar krah Nismës dhe që kanë vendosur që më 14 shkurt të votojnë numrin 121, numrin e listës së çlirimtarëve, numrin e fitoreve.