Kryetari i NISMA-s Socialdemokrate, Fatmir Limaj, ka uruar të rinjtë me rastin e 12 gushtit-Ditës Ndërkombëtare të Rinisë.
Me këtë rast Limaj ka thënë se të rinjve duhet të ju jepet përgjegjësi më e madhe dhe të ju jepet hapësirë më e madhe në vendimmarje.
“Kosova është me fat që ka një rini të shëndoshë, inovative, kreative dhe me plot energji pozitive, të gatshëm që të kontribuojnë në shtetndërtimin e vendit. Është koha që rinia të marrë përgjegjësi më të mëdha dhe t’u krijohet më shumë hapësirë në vendimmarrje.”
Numri një i NISMA-s theksoi se përkushtim i tij është që të rinjtë të kenë pozita më të barabartë në shoqëri.
“Përkushtimi dhe angazhimi ynë i vazhdueshëm është që rinia të ketë pozitë sa më të barabartë në shoqërinë tonë si dhe të ketë mundësi të barabarta me të rinjtë evropianë.”
