Themelore në Prishtinë ka shpallur aktgjykim lirues ndaj ish-komandantit të Ushtrisë Çlirimtare të Kosovës (UÇK), Sylejman Selimi dhe ish-pjesëtarit të UÇK-së Jahir Demaku, të cilët akuzoheshin për krime lufte kundër popullatës civile.
Aktgjykimi ndaj Selimit dhe Demakut u shpall të enjten nga gjykatësi Ngadhnjim Arrni, raporton “Betimi për Drejtësi“.
Sipas gjykatësit Arrini, të akuzuarit lirohet nga akuza pasi nuk është vërtetuar se të njëjtit kanë kryer veprën penale për të cilën ngarkoheshin nga PSRK-ja.
Në aktgjykim thuhet se, trupi gjykues ka vlerësuar deklaratën e dëshmitarit A dhe nga ajo nuk është vërtetuar se cili person i ka shkaktuar dëmtime të njëjtit.
Po ashtu, sipas trupit gjykues dëshmia e dëshmitarit A si e vetme ka qene e mangët për të arritur standardin e të provuarit për krimet e luftës dhe vendimi është i bazuar në standardet vendore.
Fillimisht, Prokuroria Speciale kishte ngritur aktakuzë ndaj 15 të pandehurve por që me aktvendim aktakuza është
ndarë në dy akuza, “Drenica 1″, ku bëjnë pjesë Selimi dhe Dermaku dhe “Drenica 2”.
