Ministri i Bujqësisë, Besian Mustafa, është deklaruar sa i përket pagesave të subvencioneve për sektorin e bujqësisë për vitin 2019, pasi ende nuk janë paguar pjesa e fundit.
Ai ka thënë se në muajin shkurt janë paguar rreth 3 milionë kurse pjesa tjetër pritet të paguhet gjatë muajit mars të këtij vitit.
“Fatkeqësisht pas të marrjes së qeverisë kemi trashëguar një buxhet të papërfunduar në mungesë të Kuvendit prandaj jemi ende ne fazën ku po alokojmë 1/12 për secilin muaj . Sipas informatave që kemi marrë në muaj shkurt janë paguar 3 milionë euro në muaj mars pritet të paguhet pjesa tjetër e viti që është 2.5 milionë euro, shkruan Insajderi.
Ai po ashtu ka treguar lidhur me subvencionet për këtë vit.
“Fillimisht do të dërgojmë në qeveri kërkesën që të alokojmë 1/12 për muajin mars në ndërkohë do të punojmë edhe si qeveri që të kemi buxhetin për vitin 2020 dhe kornizën afatmesme për tri vitet e ardhshme” , ka thënë Mustafa për Dukagjinin.
