Forcat izraelite të Mbrojtjes kanë bërë të ditur se tetë ushtarë janë vrarë dhe shtatë të tjerë janë plagosur në luftimet me grupin e armatosur të Hezbollahut brenda territorit të Libanit.
IDF-ja ka deklaruar se tre ushtarë të vrarë i përkisnin njësisë Egoz.
Izraeli ka nisur pushtimin e pjesës jugore të Libanit me qëllim që të shpartallojë grupin e Hezbollahut pas vrasjes së liderit të këtij grupi gjatë një bombardimi në Bejrut.
Ndërkaq, të martën mbrëma, Irani në shenjë hakmarrjeje për vrasjen e liderëve të Hezbollahut dhe Hamasit ka lëshuar qindra raketa në drejtim të Izraelit, disa prej tyre kanë qëlluar cakun.
Izraeli ka paralajmëruar se do të hakmerret për këtë sulm ajror të Iranit.
