Dashi
Dashi
21.03-20.04
Pranimi i urdhrave nga dikush që ka më pak përvojë sesa ju është e sikletshme, por nuk keni zgjidhje tjetër. Duhet të përmbaheni dhe të mos i shprehni frustrimet tuaja. Lexoni ndonjë libër, mësoni gjuhë të huaj ose merruni me ndonjë fushatë politike sepse keni nevojë të aktivizoni më shumë trurin tuaj. Një ditë do të shpërbleheni për punën nën presion. Është mirë të dini se njerëzit do t’ju çmojnë që jeni treguar diplomat.
Demi
Demi
21.04-20.05
Romanca po ju rrethon në çdo hap. Adhuruesit tuaj nuk mund t’i rezistojnë sensit tuaj të humorit. Nëse tashmë jeni në një lidhje caktoni ndonjë pushim me partnerin tuaj. Ju të dy mund të kaloni kohë të mrekullueshme nëse vizitoni vende malore. Jeni ende beqar? Do të mund ta takoni ndonjë person të veçantë në restorant ose park. Tërheqja midis juve do të jetë e parezistueshme.
Binjakët
Binjakët
21.05-20.06
Do ta keni të pamundur të rezistoni pa bërë grindje. Vendosni pak distancë me partnerin ose do t’i thoni ndonjë gjë për të cilën do të pendoheni. Për fat të mirë, miku i ngushtë ose partneri juaj po ju jep mjaft përkrahje. Kur e humbisni durimin gjeni mbështetje tek ata. Disa para që do të fitoni nga një projekt do t’ju japin mundësinë të blini gjëra për shtëpi. Blini ndonjë garniturë të shtrenjtë kuzhine ose vepra artistike.
Gaforrja
Gaforrja
21.06-20.07
Lajme dëshpëruese për shëndetin ose punën tuaj do t’ ju detyrojnë të ndryshoni planet. Duket se duhet të ndryshoni shprehitë tuaja për të mbrojtur interesat. Nëse i shmangeni disa ushqimeve ose shkoni në ndonjë orë mësimi do ta keni të vështirë por kjo sakrificë do t’ju shpërblehet. Një mik i dashur ose partneri juaj do t’ ju ndihmojë të tejkaloni këtë fazë transicioni. Kërkoni atyre ndihmë dhe qëndroni më të fokusuar se asnjëherë më parë.
Luani
Luani
21.07-20.08
Blerja e besnikërisë nuk është diçka që ju përmbush. Jeni bekuar me humor dhe kreativitet të ngrohtë. Nëse këto virtyte nuk janë të mjaftueshme për të fituar dikë, kjo është diçka shumë e keqe. Mos u brengosni sepse ka edhe njerëz të tjerë. Përkushtojani kohën dhe vëmendjen njerëzve që ju çmojnë për atë që jeni, në vend se të kërkojnë t’u përshtateni. Do t’ju ofrohet një punë që paguhet mirë. Përfitoni nga rasti për të freskuar gardërobën dhe aksesorët.
Virgjëresha
Virgjëresha
21.08-20.09
Rezistoni dëshirës për t’i shtyrë njerëzit të marrin një vendim për të cilin nuk janë ende gati. Zemra dhe koka juaj janë dakord por e njëjta nuk vlen edhe për mikun tuaj. Mënyra më e mirë për të promovuar vlerat e tyre është t’u lini hapësirë. Ka mundësi që zgjedhja e tyre t’ju zhgënjejë por provoni të mos ndikoheni shumë. Një mundësi e mirë pune është në rrugë. Fokusoni energjinë për të dhënë më të mirën nga vetja.
Peshorja
Peshorja
21.09-20.10
Një shkëndijë romantike do të ringjallë shpirtin tuaj. Jeni lodhur nga miqtë që po ndërhyjnë në jetën tuaj private. Duke i mbajtur në distancë botët tuaja, do të ndiheni më të çliruar. Rezistoni dëshirës për të dëgjuar një sekret të një personi që e keni takuar së fundi. Megjithëse është informatë që do të ndiheshit të privilegjuar ta keni, vetëm sa do t’ju shkaktonte telashe. Mbani këto njohuri për veten tuaj dhe mund t’i shfrytëzoni më vonë për një rival. Kjo mund të jetë mënyra e vetme për të arritur një marrëveshje pune.
Akrepi
Akrepi
21.10-20.11
Rezistoni dëshirës për të shpenzuar shumë para. Është më mirë që këto para t’i destinoni në llogarinë e kursimeve. Nëse kurseni sa duhet do të mund të përballoni shpenzimet e një udhëtimi të gjatë. Lajmet e mira që do t’ju sjellë një mik i juaji, janë shkak për të festuar. Ka mundësi që shumë shpejt do të festoni në ndonjë dasmë ose për ndonjë anëtar të ri të familjes. Përfitoni nga rasti për të filluar një kapitull të ri së bashku.
Shigjetari
Shigjetari
21.11-20.12
Është kohë e mirë të promovoni idetë tuaja të reja, por mos prisni që eprorët tuaj të mirëpresin këtë. Ata nuk dëshirojnë ndryshime në strukturën aktuale. Mënyra e vetme që ata t’ju kushtojnë vëmendje është nëse propozimi juaji bëhet në ndonjë mënyrë të veçantë. Publikoni ndonjë artikull në ndonjë ueb faqe të popullarizuar ose postojeni ndonjë video në “you tube”. Këto ditë është e lehtë të fitoh vëmendje. Shfrytëzojeni internetin për të plasuar talentin tuaj. Shumë shpejt do të merrni një ofertë profitabile.
Bricjapi
Bricjapi
21.12-20.01
Bukuria, sharmi dhe sofistikimi juaj lë përshtypje të madhe. Njerëzit kanë dëshirë t’ju shohin në shoqërinë e tyre. Mos e lini pa marrë pjesë në disa ndeja. Përfitoni rastin që të rregulloheni sa më mirë. Një person që ju xhelozon do të përpiqet t’ju mposhtë. Mos ua vini veshin komenteve të tij. Madje, do të ishte mirë të ndërprisni çdo komunikim me të.
Ujori
Ujori
21.01-20.02
Paratë që do t’i siguroni nga ndonjë agjenci qeveritare, universitet ose institucion komercial do t’ju realizojnë një ëndërr financiare. Është kohë e përshtatshme të aplikoni për fonde ose bursa. Mos i jepni kredi një mikut tuaj, sepse do të pësoni goditje të tmerrshme. Kontaktoni një organizatë të madhe. Ky institucion do të çmojë talentin tuaj për të sjellë klientë. Pjesa tjetër e punës varet nga publiciteti.
Peshqit
Peshqit
21.02-20.03
Jeni yll i madh në punë. Mos u befasoni nëse shefi juaj ju ngre në detyrë ose ju jep ndonjë çmim. Nëse keni qenë duke kërkuar punë, mund të gjeni një pozitë të mirë në ndonjë firmë ligjore, shtëpi botuese ose universitet. Do të ndiheni të përmbushur duke dhënë informata për publikun. Për fat të keq, një person i cili është i afërt me ju nuk do t’ju mbështesë shumë për këtë pozitë. Duhet të siguroni besnikërinë e të dashurit tuaj.