Zyrtarë brenda kryeministrisë kanë mohuar të pyetur nga Gazeta Express se kanë porositur një tepih në vlerë prej 5300 eurosh, siç është raportuar sot në media. Megjithatë, tenderi nga Administrata Publike për tepihun në fjalë veçse është shpallur.
Një tepih 5300 euro për pak ditë mund të shtrohet në zyrat e Qeverisë së Kosovës, e udhëhequr tashmë nga Albin Kurti.
Tenderi për këtë tashmë është shpallur nga Administrata Publike, e ai do të kushtojë hiç më pak se 5 mijë e 300 euro.
Mirëpo, zyrtarë brenda kryeministrisë kanë mohuar për Gazetën Express se Albin Kurti ka porositur diçka të tillë.
“Kryeministri e ka zyrën në katin e dytë dhe nuk ka bërë ndonjë porosi të tillë. Këtë e ka kërkuar dikush tjetër por jo kryeministri e as dikush në zyrën e tij”, ka thënë ky burim.
5 mijë e 300 euro do të jenë edhe për furnizim, transportim si dhe montim të tepisonit në katin e tretë të zyrës së Qeverisë së Kosovës
