Kryeministri Albin Kurti ka thënë se qeveria është në ditët e fundit të finalizimit të programit qeverisës, shkruan Gazeta Sinjali.
Kurti i cili po qëndron në Bruksel ka shkruar se sapo të kthehet nga kryeqyteti belg, në fillimin e javës tjetër, do t’ia paraqesë për miratim programin qeverisës Kuvendit.
Ai ka shkruar se programi fokusohet në investime për të krijuar vende të reja të punës dhe drejtësi për ta luftuar korrupsionin.
Postimi i plotë:
Ne jemi në ditët e fundit të finalizimit të programit tonë qeverisës për 4 vitet e ardhshme, i përqendruar në investime për krijimin e vendeve të punës dhe drejtësinë për ta luftuar korrupsionin.
Menjëherë pasi të kthehem nga Brukseli javën tjetër, ne do të paraqesim programin në parlament për miratim dhe do të fillojmë axhendën tonë transformuese.
