Kryeministri i Kosovës Albin Kurti, me 20 shkurt të vitit 2020 e publikoi një letër ku pretendon se Hashim Thaçi tash President i Kosovës, në vitin 2013 në cilësinë e kryeministrit të Kosovës, ka bërë marrëveshje sekrete me NATO-on, që Forca e Sigurisë së Kosovës (FSK) nuk do të hyjë në veri të Kosovës, e banuar me shumicë serbe.
Kjo çështje është bërë temë debati sot në Kuvendin e Kosovës ku deputeti i PDK-së, Fadil Nura, e ka pyetur Kurtin për këtë marrëveshje, se nëse e përkrahë apo jo.
“Nuk e kam akuzuar sekretarin e NATO-s për shkëmbim të letrave dhe s’mund të kërkoj llogari prej tij, kam akuzuar titullarin e atëhershëm. Është një problematikë që i ka rrënjët 8 vite më parë, nuk mund të rregullohet përmes një takimi në selinë e NATO-s. Ç’ështjen e kam adresuar në Prokurori dhe i mbetet për trajtim. Marrëdhëniet mes NATO-s dhe Kosovës do të vijnë duke u thelluar, nuk keni pse brengoseni”, tha Kurti para deputetëve, shkruan Reporteri.net.
Deputeti i PDK-së, Nura më tej e ka pyetur Kurtin nëse e mbështet apo jo marrëveshjen në fjalë.
“Marrëveshja është e dëmshme, dhe është një fakt që e kemi trashëguar si shumë fakte të mëparshme, por nuk mund ta rregulloj një keqe te madhe me një takim”, deklaroi Kurti
