Forcat kurde në Siri njoftuan sot se arrestuan 53 persona të dyshuar se i përkisnin Shtetit Islamik në një kamp për personat e zhvendosur brenda vendit.
Forcat Demokratike Siriane (SDF), e cila ka mbështetjen e koalicionit ndërkombëtar kundër xhihadistëve, nisi një operacion të madh sigurie në kampin Al-Hol, ku jetojnë pothuajse 62 mijë njerëz, për shkak të një serie vrasjesh të dielën, raporton france24.
Që nga njoftimi i rënies së “kalifatit” të Shtetit Islamik në mars të 2019, autoritetet kurde kanë paralajmëruar vazhdimisht për raste të radikalizimit dhe sulmeve në atë kamp, ku gratë dhe fëmijët janë xhihadistë, por edhe familje siriane dhe irakiane.
Forcat kurde thanë sot se ata kishin arrestuar “53 anëtarë të Shtetit Islamik, duke përfshirë pesë shefa lokalë që kryen sulme terroriste në kamp”.
Ndryshe, autoritetet kurde kanë regjistruar më shumë se 40 vrasje në Al-Hol që nga fillimi i këtij viti.
