Në kuadër të angazhimit për realizimin e Planit aksional veror dhe parapërgatitjeve për sezonin e ri ngrohës 2025/2026, këto ditë po kryhen një varg intervenimesh e aktivitetesh në terren.
Kryeshefi Ekzekutiv i NP “Termokos” Sh.A., z. Fisnik Osmani me bashkëpunëtorë ka inspektuar punimet, që po realizohen në intervenimin e rrjetit sekondar të ngrohjes, në tubacionin e kogjenerimit.
Me këtë rast, kryeshefi Osmani ka falenderuar kolegët për përkushtimin dhe profesionalizmin e dëshmuar për realizimin e Planit aksional dhe intervenimet në rrjet.
