Termokos përkrah sportin dhe talentet e kryeqytetit!
Kryeshefi ekzekutiv i Termokosit, Fisnik Osmani, ka pranuar fanelën e Klubit të Pingpongut “Prishtina” si shenjë falënderimi për mbështetjen që kompania ka ofruar gjatë këtij viti.
Klubi i Pingpongut “Prishtina”, i themeluar në vitin 1956, është klubi më i vjetër i pingpongut në kryeqytet dhe një vatër e vërtetë talentesh për brezat e rinj.
Me rreth 40 lojtarë aktivë, ky klub ka krijuar një traditë të fortë sportive, duke sjellë tituj kombëtarë dhe duke përfaqësuar denjësisht Prishtinën në garat vendore dhe ndërkombëtare.
“Sportistët e Prishtinës e meritojnë përkrahjen tonë”, u shpreh Osmani, duke theksuar përkushtimin e Termokosit jo vetëm në ofrimin e ngrohjes efikase dhe në ndërtimin e një Prishtine të gjelbër, por edhe në përkrahjen e sportit, rinisë dhe kulturës së shëndetshme komunitare.
Me këtë përkrahje, Termokos po dëshmon se është më shumë se një kompani energjetike – është partner i qytetit dhe i gjeneratave të ardhshme.
