Termokos ka ndërmarrë një tjetër hap konkret drejt një Prishtine më të pastër dhe më ekologjike! Drejtori i ndërmarrjes, Fisnik Osmani, ka njoftuar sot për zgjerimin e rrjetit të ngrohjes qendrore në lagjen Ulpianë, ku një shtëpi-çerdhe që strehon rreth 50 fëmijë tashmë është e përfshirë në sistemin e ngrohjes.
“Shtesë prej 620 m² është lidhur me Termokosin,” shkroi Osmani, duke theksuar edhe ndikimin ambiental të këtij investimi.
Më s’do të digjen 30 m³ dru dhe mbi 15 m³ thëngjill në këtë lagje!
Me këtë ndërhyrje, jo vetëm që janë krijuar kushte më të mira për fëmijët, por është bërë një kontribut i drejtpërdrejtë për uljen e ndotjes së ajrit në kryeqytet.
Sipas Osmanit, intervenime të ngjashme kanë nisur edhe në lagje të tjera të Prishtinës, dhe zgjerimi do të vazhdojë në çdo zonë ku ekzistojnë mundësi teknike.
“Termokos po i jep kuptim Prishtinës së Gjelbër”, tha Osmani, duke vënë theksin në transformimin që po ndodh përmes investimeve të qëndrueshme.
Ngrohje moderne. Ajër më i pastër. E ardhme më e shëndetshme për fëmijët tanë.
Prishtina po merr frymë më lehtë – dhe Termokos është duke e udhëhequr këtë ndryshim.
