Kryetari i Partisë Demokratike të Kosovës, Memli Krasniqi, është takuar sot me Këshillin Politik të PDK-së.
Në këtë takim të brendshëm, u diskutua për ngërçin politik në vend, sfidat socio-ekonomike, organizimin e partisë në prag të zgjedhjeve lokale si dhe për zhvillimet në Dhomat e Specializuara në Hagë.
“Në një periudhë kaq të ndjeshme për vendin, ndihemi më të sigurt dhe më të vendosur kur kemi pranë një elitë të tillë politike – të gatshëm për të dhënë mendim, për të ndihmuar me përvojë dhe për të kontribuar me përgjegjësi për të ardhmen e Kosovës.
Mirënjohës për bashkëbisedimin dhe angazhimin e secilit prej tyre”, shkroi tutje Krasniqi në Facebook.
