Sot në agjendë pritet të jetë aplikimi i Kosovës për anëtarësim në Këshillin e Evropës.
Lajmin e ka konfirmuar dje këshilltarja e presidentes Osmani, Rejhan Vuniqi.
“Aplikimi i Kosovës për anëtarësim në Këshillin e Evropës është në agjendën e Komitetit të Ministrave që mbahet të hënën. Le të shpresojmë për zhvillime pozitive në këtë hap të rëndësishëm drejt integrimit evropian”, ka shkruar Vuniq në Twitter.
Mbledhja e Komitetit të Ministrave do të mbahet këtë të hënë, me fillim nga ora 14:30 pasdite.
Në agjendën e publikuar në faqen zyrtare të KiE-së, figuron si pikë 2.4 “aplikimi për anëtarësim” i një shteti.
