Korea e Jugut ka njoftuar se ka ndaluar tubimet e mëdha, duke mbyllur edhe lokalet e natës, kishat, tubimet e tifozëve pas përhapjes së madhe të pandemisë COVID-19.
Ministri i Shëndetësisë Park Neung-hoo njoftoi për hapat e ndërmarr për kontrollin dhe parandalimin e virusit pas raportimit të 332 rasteve të reja.
Aktualisht, në këtë vend janë 17 mijë raste aktive, ndërsa deri më tani kanë ndërruar jetë 309 persona.
Kurse, shumica e rasteve të reja raportohet të vijnë nga zona e dendur e Seulit, i cili ka shënuar rritje të madhe të intekfutarve në javët e fundit.
Ndërsa, kishat raportohet të kenë qenë një nga burimet kryesore të përhapjes së virusit në zonën e Seulit, të cilat tashmë janë mbyllur për praktikimin e riteve fetare.
Qeveria tashmë ka vendosur masa për distancimin shoqëror në Seul, këtë javë pas rezistimit për muaj me radh rreth shqetesimeve ekonomike.
Klubet e natës, baret, restorantet, lojërat kompjuterike janë ndaluar në zonat më të mëdha në kryeqytetin korean, gjithashtu janë ndaluar edhe tubimet e tifozëve në ndeshjet e bejsbollit dhe futbollit, vetëm pak kohë kur klubet ishin lejuar të shesin biletat për shikimin e takimeve në këtë vend.
Të njëjtat masa priten të zbatohen në të gjithë vendin nga e diela.
