Pas zhvillimeve të fundit në degët e Listës “Guxo” në Vushtrri, Gjakovë dhe Istog ka ardhur edhe një reagim nga koordinatori i Listës ‘Guxo” në Ferizaj, Balton Dërguti.
Ai i ka reaguar deputetit Haxhi Avdyli i cili zërat kundër në Listën Guxo tha se po dalin për shkak se ata nuk janë bërë zëvendësministra.
Koordinatori Dërguti thotë se Avdyli pasi i ka sistemuar kushërinjët në institucione pas disa muajsh ka vendosur të merret edhe me Listën Guxo, shkruan Reporteri.net.
Ai thotë se me Avdylin pajtohet me pohimin se “maskat po bien”.
Reagimi i plotë:
REAGIM
Deputeti Haxhi Avdyli pasi i ka sisitemuar kushërinjët në institucione paska vendosur të merret pak edhe me elektoratin e Listës Guxo, vlene te ceket “pas disa muajsh”.
Deputeti Haxhi Avdyli paska harruar se në fushatën zgjedhore ku lobuam që ta bëjmë deputet atë dhe deputetët e tjerë të zgjedhur nga Lista Guxo kemi premtuar se do ta luftojmë nepotizmin, korrupsionin dhe të gjitha të kqijat e tjera dhe nuk do të punèsojmë kusherinjë në institucione publike siç veproj Haxhi Avdyli.
Po ashtu në fushatën elektorale për zgjedhjet nacionale ju premtuam votuesve se do ta formojmë subjektin tonë politik dhe asnjëherë nuk do të devijojmë nga rruga e trasuar e Presidentit historik Ibrahim Rugova .
Prandaj është gabim fatal i Haxhi Avdylit dhe të tjerëve që për interese të tyre personale duan ta shkriejn subjektin tonë në lëvizjen Vetëvendosje.
Asnjë pozitë e zv. Ministrit e çkado tjetër nuk mund të na ndal në rrugtimin tonë sepse i kemi dhënë premtime votuesve tonë.
P.s. Me Haxhi Avdylin pajtohem me thënjen “Maskat po Bien” po bien “po” është e vërtetë.
Balton Derguti
