Qytetarët nga Kosova me nënshtetësi kanadeze që gjatë këtyre ditëve janë duke udhëtuar nga Kanadaja drejtë Kosovës përmes linjës së Stambollit po iu kërkohet që të kenë me vete ndonjë nga dokumentet e Kosovës qofshin ato edhe të skaduar.
Sipas njoftimit të fundit nga Konsullata e Përgjithshme e Republikës së Kosovës në Toronto kjo po bëhet për shkak që t’iu shmangen çfarëdo pengese në aeroport.
“Lusim të gjithë bashkatdhetarët tanë me nënshtetësi kanadeze që këto ditë janë duke udhëtuar nga Kanadaja drejt Kosovës, përmes linjës së Stambollit, që të posedojnë me vete edhe ndonjë nga dokumentet e Kosovës (edhe të skaduara) në mënyrë që të shmanget çfarëdo pengese nga autoritetet në aeroport për të fluturuar.
Konsullata e Përgjithshme e Republikës së Kosovës në Toronto, sikurse edhe këtë të diel, është në vazhdimësi në kontakt me autoritetet e Aeroportit Pearson si dhe me aviokompanitë fluturuese për të lehtësuar fluturimin e bashkatdhetarëve tanë drejt vendlindjes. Rrugë të mbare drejt vendlindjes!”, thuhet në njoftimin e Konsullatës.
