Dje qeveria në detyrë në krye me Albin Kurti, ka bërë të ditura masat e reja lehtësuese në kuadër të Fazës së Tretë, që kanë hyrë në fuqi nga sot, por hapja e çerdheve dhe shkollave ka ngjallur shumë reagime.
Derisa qeveria tha se nga sot ato do të hapen disa nga komunat kanë thënë se ato s’janë të gatshme, madje kanë apeluar prindërit që të mos i dërgojnë fëmijët e tyre në këto institucione.
Edhe komuna e Vushtrrisë, po ashtu, përmes një postimi ka thënë se pasi situate epidemiologjike s’është aq e mirë, çerdhet publike dhe private s’do të hapen sot.
