Kryeministri i Kosovës, Albin Kurti edhe sot ka bërë fushatë për zgjedhjet parlamentare në Shqipëri që do të mbahen më 25 prill.
Ai sot e ka promovuar kandidatin e VV-së për deputet nga zona e Gjirokastrës, Kreshnik Merxhanin.
Edhe në dy ditët e kaluara, Kurti është marrë më zgjedhjet në Shqipëri, duke lobuar për kandidatët e tij në Tiranë dhe në Lezhë, shkruan Ballkani.info.
Mirëpo, duket se marrja me Shqipëri duke qenë kryeministër i Kosovës dhe në kohë pandemie, nuk iu ka pëlqyer komentuesve, të cilët e kanë kritikuar ashpër atë me komente.
