Një aksident në të cilin ka qenë i përfshirë kandidati për deputet i AAK-së, Arbër Tolaj dhe shtatë persona të tjerë, ka ndodhur në rrugën “Luan Haradinaj” në Deçan, rreth orës 20:10.
Por, lëndime më të rënda, në pjesën e kokës, ka pësuar njëri prej të aksidentuarve dhe kësisoj është dërguar për trajtim në QKUK. Këtë e ka konfirmuar për Sinjalin drejtori i Spitalit të Përgjithshëm të Pejës, Skender Dreshaj, duke shtuar se shtatë të tjerët janë liruar për në shtëpi.
“Në ndeshje janë përfshi dy automjete, kanë ardhë në spital pastaj kanë marrë ndihmë. Njëri prej të lënduarve ka pas lëndime më të mëdha në kokë dhe është transportu në QKUK, pasi këto lloje të lëndimeve nuk i trajtojmë në QKMF-në e Pejës”, ka thënë Dreshaj.
