Kina mohoi të enjten pohimin e presidentit amerikan Donald Trump se të dy palët ishin të përfshira në negociata aktive mbi tarifat, duke thënë se çdo sugjerim për përparim në këtë çështje ishte i pabazë sa “përpjekja për të kapur erën”.
Komentet e Kinës vijnë pasi Trumpi tha të martën se norma përfundimtare e tarifave për eksportet e Kinës do të zvogëlohej “thelbësisht” nga 145%.
“Pozicioni i Kinës është i qëndrueshëm dhe ne jemi të hapur për konsultime dhe dialog, por çdo formë e konsultimeve dhe negociatave duhet të kryhet mbi bazën e respektit të ndërsjellë dhe në mënyrë të barabartë”, tha zëdhënësi i Ministrisë së Tregtisë He Yadong, raporton Associated Press.
“Çdo pretendim për përparimin e negociatave tregtare Kinë-SHBA janë të pabaza si përpjekje për të kapur erën dhe nuk kanë bazë faktike”.
Trumpi u kishte thënë gazetarëve në fillim të javës se “gjithçka është aktive” kur u pyet nëse ai po angazhohej me Kinën, megjithëse Sekretari i tij i Thesarit kishte thënë se nuk kishte negociata zyrtare.
