Dy persona janë arrestuar nga policia e Kosovës e cila në koordinim me agjenci të tjera të sigurisë e kanë ndaluar një veturë për kontroll, në të cilën janë gjetur rreth 9 kilogramë lëndë narkotike, që dyshohet të jetë marihuanë.
Po ashtu, policia bëri të ditur se gjatë kontrollit të dy personave që ishin në veturë, janë gjetur rreth 0.5 gram kokainë dhe te personi tjetër rreth 94 gramë marihuanë.
Për rasti është njoftuar prokurori kujdestar.
“Në tërësi, gjatë këtij operacioni policor janë konfiskuar 9 kg e 512 gr lëndë narkotike që dyshohet të jetë marihuanë dhe 16.5 gr substancë që dyshohet të jetë kokainë. E tërë lënda narkotike e konfiskuar, mendohet se ka vlerë tregu rreth 15 mijë euro. Po ashtu, janë konfiskuar edhe një veturë dhe një telefon”, thuhet në njoftimin e policisë, transmeton Klankosova.tv.
Në njoftim bëhet e ditur se pas intervistimit, të dyshuarit R. H., 59-vjeç dhe A.Z., 25-vjeç janë dërguar në mbajtje.
